Ang Marka Sa Mananap nga Mapintas | Leksyon 8

1. Unsay katuyoan sa mga balaod sa Domingo nga gipangayo karon sa mga National Reformer ug sa ilang mga kaalyado?

2. Sa pagtuman sa ilang mga gipangayo, kang kinsa ba gihatag ang pagsimba?

3. Kanila nga nagatuman niini, Unsa ang gipahayag sa Dios nga ilang madawat gikan kaniya?

Pinadayag 14:9 “Ug may laing manolonda, ang ikatolo, misunod kanila nga nagaingon sa hataas nga tingog: Kong kinsa ang nagasimba sa mananap nga mapintas ug sa iyang larawan, ug nagadawat sa timaan sa iyang agtang kun sa iyang kamot,” 10 Siya magainum usab sa vino sa kaisug sa Dios, nga gitagay sa walay simbug sa copa sa iyang kaligutgut, ug pagapaantuson siya sa kalayo ug azufre sa atubangan sa mga manolonda nga balaan, ug sa atubangan sa Cordero:

4. Unsa ang mahimong inila nga mga kinaiya niadtong wala makadawat sa marka sa mapintas nga mananap?

Pinadayag 14:12 “Ania ang pagpailub sa mga balaan,sila nga nagabantay sa mga sugo sa Dios, ug sa kang Jesus nga pagtoo.”

5. Sumala sa kasuguan sa Dios, unsang adlawa ang pagabantayan nga mao ang adlaw nga igpapahulay?

Exodus. 20: 8-11 “Hinumduman mo ang adlaw nga igpapahulay, aron sa pagbalaan niini. 9 Sa unom ka adlaw magbuhat ka, ug buhaton mo ang tanan nga imong bulohaton; 10 Apan ang adlaw nga ikapito maoy usa ka adlaw nga igpapahulay alang kang Jehova nga imong Dios. Niining adlawa dili ka magbuhat, ikaw, bisan ang imong anak nga lalake, bisan ang imong anak nga babaye, bisang ang imong sulogoon nga lalake, bisan ang imong sulogoon nga babaye, bisan ang imong kahayupan, bisan ang imong dumuloong nga anaa sa sulod sa imong mga pultahan. 11 Kay sa unom ka adlaw gibuhat ni Jehova ang langit ug ang yuta, ang dagat, ug ang tanan nga anaa niini, ug mipahulay sa ikapito ka adlaw; busa gipanalanginan ni Jehova ang adlaw nga igpapahulay, ug gibalaan niya kini.” 

6. Kong ang mga nagabantay sa tanang mga kasugo-an sa Dios, makaikyas sa pagsimba ug sa marka sa mapintas nga mananap, nan unsa nga posisyon ang mahimong luwas nga makuha, mahitungod sa kinaiya niana nga pagsimba ug marka?

Pahinumdum: Kon ang Mensahe sa Ikatulong Anghel nagpahayag niadtong mangahimong mga balaan nga nagatuman sa mga kasugoan sa Dios, ug sa walay pagpugong nagabadlong niadtong nagsimba sa mananap ug sa iyang larawan, ug nagkupot sa iyang marka, sa siguro gayud ang pagsimba ug ang marka sa mapintas nga mananap anaa sa pagsupak niadtong mga kasugoan nga ginatuman sa mga balaan. Ang matag gahum sa paglutos niadtong nangagi nga mga panahon adunay usa ka ang-ang sa nasud nga nagsimba ug dios-dios. Bisan tuod ang uban kanila sa ilang mga pulong, tingali miila sa Diyos sa Bibliya, apan ang ilang pagsimba mihangop niadtong mga naggikan sa pagano nga mitolohiya. Susama kini sa Estados Unidos. Samtang ang kadaghanan sa mga katawhan miila sa Dios pinaagi sa ilang mga pulong, sila nagpadayon sa pagkupot sa usa ka adlaw sa pagsimba nga naggikan sa mga nabatasan sa pagano nga pagsimba sa adlaw (sun) isip usa ka diyos.

7. Unsa kadaghan ang magasimba sa mananap?

Pinadayag. 13:8 “Ug pagasimbahon siya sa tanan nga nagapuyo sa yuta, kansang mga ngalan wala ikasulat sukad sa pagtukod sa kalibutan, sa basahon sa kinabuhi sa Cordero nga gihalad.” 8.Mahitungod sa pagmantala sa Mensahe sa Ikatulong Anghel, unsa ang nakita sa propeta nga may kalabutan niini?

Pinadayag 14:14 “Ug nakita ko, ug ania karon, ang usa ka panganod nga maputi; ug sa ibabaw sa panganod nagalingkod ang sama sa Anak sa tawo nga may usa ka purongpurong nga bulawan sa iyang ulo, ug usa ka galab nga mahait diha sa iyang kamot.”

9.Unsa man ang iyang pagabuhaton sa galab?

Pinadayag 14:16 “Ug siya nga nagalingkod sa ibabaw sa panganod, misalibay sa yuta sa iyang galab, ug gigalaban ang yuta.”

10.Unsa ang tawag sa pag-ani o panahon sa pag-ani nga makita sa ubang dapit sa Bibliya?

Mateo 13:39 “Ang kaaway nga nagpugas kaniya mao ang yawa, ang pag-ani mao ang katapusan sa kalibutan, ug ang mga mangangani mao ang mga manolonda.” 

11. Unsa man ang gikinanghanglan nga maagian sa mga matinud-anon sa Dios sa dili pa ang ilang katapusang kaluwasan?

Pinadayag 12:17 “Ug ang dragon napuno sa kaligutgut batok sa babaye, ug miadto sa pagpakiggubat batok sa uban sa iyang kaliwat, nga nagabantay sa mga sugo sa Dios, ug nagabaton sa pagpamatuod ni Jesus.”

12. Diin kining mga balaan sa katapusan makita?

Pinadayag 15:2 “Ug nakita ko daw ingon ug usa ka dagat nga salamin, nga sinimbugan sa kalayo; ug sila nga midaug sa mananap nga mapintas, ug sa iyang larawan, ug sa numero sa iyang ngalan, nga nanagtindog duol sa dagat nga salamin, nga may mga alpa sa Dios.”

13.Unsa man ang anaa sa ilang mga agtang?

Pinadayag 14:1 “Ug nakita ko, ug ania karon, ang Cordero nga nagatindog sa ibabaw sa bukid nga Sion, ug uban kaniya ang usa ka gatus kap-atan ug upat ka libo, nga nagabaton sa iyang ngalan, ug sa ngalan sa iyang Amahan, nga gisulat sa ilang mga agtang.”

Pinadayag 3:12 Kadtong makadaug, pagabuhaton ko siya nga haligi sa templo sa akong Dios, ug dili na gayud siya makagula gikan didto: ug sulatan ko siya sa ngalan sa akong Dios, ug sa ngalan sa ciudad sa akong Dios, ang bag-o nga Jerusalem, nga manaug sa langit gikan sa akong Dios, ug sa akong kaugalingon nga bag-ong ngalan. (si Jesus nag-ingon) 

14. Sa unsang paagi kining 144,000 nakabaton niining ngalana sa ilang mga agtang?

Pinadayag 7:3-4 “Nga nagaingon: Dili ninyo pag-among-amongan ang yuta, ni ang dagat, ni ang kakahoyan, hangtud nga mapatikan namo ang mga ulipon sa atong Dios diha sa ilang mga agtang. 4 Ug nadungog ko ang kapid-an sa mga pinatikan, usa ka gatus kap-atan ug upat ka libo ang mga pinatikan gikan sa tanang mga banay sa mga anak ni Israel:” 

15. Unsa ang ginaingon mahitungod sa awit nga pagaawiton sa 144,000 sa bukid sa Sion?

Pinadayag 14:3 “Ug nanag-awit sila daw ingon sa usa ka bag-ong awit sa atubangan sa trono, ug sa atubangan sa upat sa mga binuhat nga buhi, ug sa mga anciano; ug walay bisan kinsa nga arang makatoon sa awit, gawas sa usa ka gatus kap-atan ug upat ka libo nga mga tinubos gikan sa yuta.” 

16. Diin sila gitubos?

Pinadayag 14:4 “Kini sila mao ang mga wala mabulingi sa mga babaye; kay mga ulay sila. Kini sila mao ang mga naganunot sa Cordero, bisan asa siya paingon. Kini sila mao ang mga tinubos gikan sa taliwala sa mga tawo, nga mga inunahang mga bunga alang sa Dios ug alang sa Cordero.” 

17. Kang kinsa sila naganunot/nagasunod?

Pinadayag 14:4 “Kini sila mao ang mga wala mabulingi sa mga babaye; kay mga ulay sila. Kini sila mao ang mga naganunot sa Cordero, bisan asa siya paingon. Kini sila mao ang mga tinubos gikan sa taliwala sa mga tawo, nga mga inunahang mga bunga alang sa Dios ug alang sa Cordero. 

18. Unsa ang ilang kinaiya?

Pinadayag 14:5 “Ug walay limbong nga hingkaplagan sa ilang mga baba, kay wala silay buling.”