1. Giunsa paggamit sa mananap nga adunay duha ka sungay ang iyang gahum?
2.Unsa ang kinaiya sa gahum, ingon nga girepresentahan sa nahaunang mananap?
3.Sa unsa nga mga paagi kana nga gahom nagpatuman sa iyang mga mando?
Tubag:—Gigamit sa iglesia ang gahum sa civil power (panggobyerno sa lokal nga komunidad, ug kini gawas sa panggobyerno sa iglesia) alang sa pagpalambo sa iyang mga pagtulon-an.
4. Kon ang mananap nga adunay duha ka sungay maghimo ug larawan sa nahiunang mananap, nan unsa ang pagabuhaton niini?
Tubag:kini maghimo sa iglesia nga modumala sa Estado/gobyerno, ug mogamit sa gahum sibil (civil power) sa pagpatuman sa iyang mga pagtulon-an.
5. Aduna bay panglantaw nga ang Estados Unidos Makahimo niana nga buluhaton?
Tubag: Adunay nay usa ka impluwensyal nga kahugpongan, nga gitawag ug National Reform Association, nagmalampuson sa pagdala sa mgabalaodnon sa atubangan sa National Congress, nga, kung makapasar, makasiguro sa maong resulta.
6. Sa unsa nga teorya gibase niini nga organisasyon ang iyang buhat?
Tubag: Matag gobyerno, pinaagi sa makiangayong balaod, usa ka panggobyerno sa Dios; ang usa ka republika nga gimandoan sa ingon iya niya, ug ingon nga tinuod gayud ug kini usa ka teokrasya sama sa goberno sa Israel.—– Resolution Cincinnati National Reform Convention.
7. Tungod sa maong pagtuo, unsay ilang gisugyot nga buhaton?
Pahinumdum: Aron masiguro ang ingon nga pag-usab sa batakang balaod sa Estados Unidos aron mapahayag ang atong nasudnon nga pag-ila sa Makagagahum nga Dios ingon nga gigikanan sa tanan nga awtoridad sa sibil nga pang gobyerno; sa Ginoong Jesu-Kristo ingon nga magmamando sa mga nasud; ug sa iyang gipadayag nga kabubut-on ingon nga labing taas nga awtoridad, ug sa ingon nagpakita nga kini usa ka Kristiyanong nasud, ug nagbutang sa tanan nga mga kristohanongbalaod, institusyon, ug paggamit sa gobyerno sa usa ka dili ikalimod ug subay sa balaod nga basehan sa pundasyon sa balaod sa yuta.—- Art. 2 of National Reform Constitution.
8. Unsa man ang pinasahi nga gipangayo ngadto sa gobyerno niining National Reformers uban sa ilang mga kaalyado, nga mao ang American Sunday Union, ug ang Woman’s Christian Temperance Union?
Tubag: Aron pahunongon ang tanang nga mga tren sa adlawng Dominggo, undangon ang tanang mga papeles sa adlawng Domingo, ug igadili ang tanang matang sa pagtrabaho sa adlawng Domingo, aron “dili mabalda ang ilang mga dakung tinguha.”
9. Nganong gusto man niining mga tawhana nga pugson ang uban sa pag bantay sa Dominggo?
Tubag: Tungod kay ”siya nga wala magtuman sa adlaw nga Igpapahulay nga mao ang (Domingo) wala magsimba sa Dios.”—Elgin Sunday Convention, Nobyembre, 1887.
10. Kung adunay usa nga mosimba pinaagi sa pagpahulay sa ikapitong adlaw, makapatagbaw ba kana kanila?
Pahinumdum: “Tugoti ang usa ka tawo kung unsa ang iyang pagpili, ma Judeo man, nagatuman sa ikapito nga adlaw, o uban pa nga lain nga denominasyon, o sila nga wala nagatuo sa Christian Sabbath—–Apan himoa ang balaod alang sa tanan, nga walay publiko nga muhimo sa pagpasipala sa unang adlaw sa semana, nga mao ang Kristohanong Igpapahulay (Dominggo), ang adlaw sa pagpahulay alang sa nasud. Mahimo nilang himoon nga sagrado ang bisan unsang adlaw sa semana, ug magatuman niini, apan kanang adlawa (Dominggo) nga mao ang usa sa pito ka adlaw alang sa nasud sa kinatibuk-an, dili kana pagapasipalahan sa publiko ni bisan kinsa, ma opisyal sa gobyerno man, o sa pribadong lungsoranon, taas o ubos, dato o kabos.” Dr. McAllister, editor Christian Statesman.
11. Unya unsa man ang katuyoan sa ilang mga balaod sa Domingo?
Tubag: Aron pugson ang mga katawhan sa pagsimba sumala sa ilang mga ideya.
12. Kung ang mga katawhan motugyan sa ingon nga balaod, unsa ba gyud ang ilang gisimba?
Pinadayag 13:12 “Ug nagabuot siya sa tanang pagbulot-an sa nahaunang mananap nga mapintas sa iyang atubangan; ug ginapasimba niya ang yuta ug ang mga nagapuyo niini sa nahaunang mananap, kansang samad nga ikamatay, naayo na.”
13. Nahimong Kang kinsang mga sulugoon man sila?
Roma 6:16 “Wala ba kamo manghibalo, nga kang bisan kinsa magatugyan kamo sa inyong kaugalingon ingon nga mga ulipon nga matinumanon, maulipon kamo niadtong inyong ginatuman: kong sa sala, ngadto sa kamatayon, kun, sa pagkamasinulondon ngadto sa pagkamatarung?”
14. Unsa man ang pagasulayan niining gahum nga ipatuman sa tanan, aron maila sila ingon nga mga sulugoon?
Pinadayag. 13:16-17 “Ug gibuhat niya nga mapatikan ang ilang mga kamot nga too kun ang ilang mga agtang, ang tanan nga mga gagmay ug mga dagku, ang mga dato ug mga kabus, ang may kagawasan ug mga ulipon; 17 Ug nga walay bisan kinsa nga arang makapalit kun makabaligya, gawas ang may patik, bisan ang ngalan sa mananap nga mapintas kun ang numero sa iyang ngalan.”
15. Unsang mando ang ipagawas niini batok niadtong dili motuman sa mga igapatuman niini?
Pinadayag 13:15 “Ug gihatag kaniya ang paghatag sa pagginhawa sa larawan sa mananap nga mapintas, aron nga makasulti ang larawan sa mananap nga mapintas ug makahimo sa pagpatay usab sa kapid-an nga dili magsimba sa larawan sa mananap nga mapintas.”
16.Unsang sentimento ang gipasiugda sa National Reformers niining puntoha?
Pahinumdum: Sa Lakeside National Reform Convention sa 1887, ang usa miingon atol sa diskusyon sa pangutana sabalaod sa Domingo, “Adunay balaod sa Estado sa Arkansas nga nagpatuman sa pagbantay sa Domingongadto sa katawhan, ug ang resulta daghang maayong mga tawo dili lamang nabilanggo,kondili nawad-an sa ilang mga kabtangan ug sa ilang mga kinabuhi.”Niini si Dr. McAllister mitubag, “Mas maayo pa nga gamay ra ang mag-antus kaysa ang tibuok nasud mawad-an sa iyang Igpapahulay.”
17.Ang tanan ba motugyan sa mga gipangayo niini nga gahum?
Pinadayag 15:2 “Ug nakita ko daw ingon ug usa ka dagat nga salamin, nga sinimbugan sa kalayo; ug sila nga midaug sa mananap nga mapintas, ug sa iyang larawan, ug sa numero sa iyang ngalan, nga nanagtindog duol sa dagat nga salamin, nga may mga alpa sa Dios.”
18. Kang kinsa nila gipahinungod ang ilang kaluwasan?
Pinadayag 15:3 “Ug nagaawit sila sa alawiton ni Moises, ang alagad sa Dios, ug sa alawiton sa Cordero, nga nagaingon: Dagku ug mga kahibulongan ang imong mga buhat, O Ginoong Dios,ang Makagagahum; matarung ug matuod ang imong mga paagi, ikaw nga Hari sa mga katuigan.”
The Bible Students' Library 