1. Ihulagway ang upat ka mananap sa Daniel 7.
2. Unsa ang gisimbolohan sa upat ka mananap?
3. Unsa ang gipasabut sa napulo ka mga sungay?
4. Kanus-a nabahin-bahin ang Roma sa napulo ka mga bahin?
5. Samtang ang Propeta nagtulotimbang mahitungod sa napulo ka mga sungay, unsa ang iyang nakita nga migula sa taliwala niini?
Daniel 7:8 “Ako nagtulotimbang mahitungod sa mga sungay, ug, ania karon, may migula kanila nga laing sungay nga diyutay, nga sa atubangan niini ang totolo ka mga unang sungay giibut hangtud sa mga gamut: ug, ania karon, niining sungaya dihay mga mata nga sama sa mga mata sa tawo, ug usa ka baba nga nagpamulong dagkung mga butang.”
6. Unsa ka sayo mobangon ang gamay nga sungay?
Tubag: Dili mas sayo sa A. D. 476.
7. Unsa man ang mahimong, kinaiya sa gamay nga sungay kung itandi sa napulo?
Daniel 7:24 “Ug mahitungod sa napulo ka mga sungay, gikan niining ginghariana motindog ang napulo ka mga hari: ug adunay lain nga motindog sunod kanila; ug siya lahi sa nahauna, ug siya modaug sa totolo ka mga hari.”
8.Unsa ang labing inila nga buhat niining gamay nga sungay?
Daniel 7:25 Ug siya mosulti sa dagkung mga pulong batok sa Halangdon Uyamut, ug magapaluya sa mga balaan sa Halangdon Uyamut; ug siya magahunahuna sa pag-usab sa mga panahon, ug sa Kasugoan; ug sila ihatag sa iyang kamot hangtud sa usa ka panahon ug mga panahon ug sa katunga sa usa ka panahon.
9. Unsa ang mga ngalan sa tulo ka gingharian nga gipukan pinaagi sa impluwensya niini nga gahum?
Pahinumdum: Sa pagbana-bana mga AD 476, mao ang panahon nga ang pagkabahin sa Imperyo sa Roma nahuman sa dihang natukod ang napulo ka sungay, ang usa ka mapangahason nga gahum namatikdan, nga nagtinguha nga maila ang pag-angkon niini. Ingon ka sayo sa sinugdanan sa ika-unom nga siglo, Ang mga obispo sa Roma nahimong kusgan kaayo nga sila adunay daghang impluwensya sa harianon nga korte, nga sa wala madugay nagpataas kanila niana nga posisyon diin sila nakahimo sa pagsugo sa mga hari sa kalibutan. Adunay usa lamang ka babag sa ilang pagkalabaw, kana nga babag mao ang pagsupak sa mga Arian nga gahum sa mga doktrina sa mga Katoliko, ilabina sa Trinity. Kini nga mga nisupak nga gahum giibut, ang Heruli kaniadtong 493, ang mga vandals niadtong 534, ug ang mga Osrogoth sa 538. Tan-awa ang “Student’s Gibbon, ‘pp. 309-319”.
10. Sa unsa nga ang-ang sa pagkamapahitas-on kini nga gahum mubangon?
Daniel 7:25 “Ug siya mosulti sa dagkung mga pulong batok sa Halangdon Uyamut, ug magapaluya sa mga balaan sa Halangdon Uyamut; ug siya magahunahuna sa pag-usab sa mga panahon, ug sa Kasugoan; ug sila ihatag sa iyang kamot hangtud sa usa ka panahon ug mga panahon ug sa katunga sa usa ka panahon.”
11.Giunsa niini nga gahum pagpamulong batok sa Dios?
Pahinumdum: Ang Papa nagtawag sa iyang kaugalingon nga “Ang Kapuli ni Kristo.” Si Leo X. mapasipalahong nagtawag sa iyang kaugalingon nga, “Ang Leon sa tribo sa Juda”; Si Leo XII. Gitugotan niya ang iyang kaugalingon nga tawgon nga “Ang Ginoo nga atong Dios,” ug si Papa Martin V. nagtawag sa iyang kaugalingon nga, “Ang labing balaan ug labing malipayon, nga mao ang tighusay sa Langit ug ang Ginoo sa yuta, ang manununod ni San Pedro, ang dinihogan sa Ginoo, ang Agalon sa uniberso, “ug uban pa. Ang musunod gikutlo gikan ni W.E. Gladstone, in the “Vatican Council,” pp. 201, isip usa ka bahin sa dili masayop nga pagtulun-an: “Ang tanan nga mga matinud-anon ni Cristo kinahanglan motuo nga ang balaang apostoliko makakita ug ang Romanong Papa nagbaton sa pagkalabaw sa tibuuk kalibutan, Ug nga ang Romano nga Papa mao ang manununod sa bulahang Pedro, Prinsipe sa mga Apostoles, ug Tinuod nga kapuli ni Kristo, ang Ulo sa tibuuk nga Iglesia, ang Amahan ug magtutudlo sa tanan nga mga Kristiano.”
12.Unsang gidugayon kini nagapaluya sa mga balaan
Pahinumdum: Usa ka milyon nga Waldenses ang nangamatay sa France. Siyam ka gatus ka libo nga orthodox nga mga Kristohanon gipamatay sa wala pay katloan ka tuig human sa pagtukod sa mando sa mga Jesuit. 36,000 Ang gipatay sa duke(pangulo) sa Alvah, sa Netherlands, sulod sa pipila lang ka tuig. Ang pag imbestiga naglaglag pinaagi sa nagkalain-laing pagsakit sa, 15,000 sulod sa katloan ka tuig. Kini mao ang pipila ka mga panig-ingnan gikan sa daghan pa nga mahimong pagakutluon gikan sa kasaysayan, mahitungod sa buhat niini nga gahum batok sa mga balaan. Alang sa dugang nga ebidensya, kini mabasa sa “ Buck’s Theological Dictionary,” article “Persecution,” Dowling’s “Romanism,” Charlotte Elizabeth’s “Martyrology,” “Wars of the Huguenots,” ug uban pa.
13. Giunsa niini pagtinguha sa pag-usab sa balaod sa Dios?
Pahinumdum: Ang Papado nag-usab sa pagbantay sa ika-upat nga sugo, kutob sa maabot sa iyang gahum, aron sa pagsunod sa pagano nga gigikanan sa ilang pagpahinungod sa usa ka adlaw aron sa pagsimba ug adlaw. Sa usa ka buhat nga gitawag nga “The sure way to find out the true religion,” atong mabasa nga:—– “Ang pagbalaan sa adlawng Domingo maoy usa ka butang nga gikinahanglan gayod sa kaluwasan. Ug bisan pa kini dili makita sa Bibliya. Sa sukwahi, ang Bibliya nag-ingon, ‘Hinumduman mo ang adlaw nga igpapahulay, aron sa pagbalaan niini’. (Exodo 20:8), nga mao ang Sabado, ug dili Domingo”. Alang sa dugang ebidensiya, tan-awa usab ang “Catholic catechisms, ug ang “Plain Talks about the Protestantism of To-day,” Pp. 213”.
14.Unsa kadugay nga ang Papado adunay gahum sa mga balaan, mga panahon, ug mga balaod?
Daniel 7:25 “Ug siya mosulti sa dagkung mga pulong batok sa Halangdon Uyamut, ug magapaluya sa mga balaan sa Halangdon Uyamut; ug siya magahunahuna sa pag-usab sa mga panahon, ug sa Kasugoan; ug sila ihatag sa iyang kamot hangtud sa usa ka panahon ug mga panahon ug sa katunga sa usa ka panahon.”
15.Diin sa Bag-ong Tugon makita ang mao gihapong pagpahayag?
Pinadayag 12:14 “Ug may gihatag sa babaye nga duruha ka pako sa dakung agila, aron nga molupad siya ngadto sa kamingawan sa iyang dapit, nga didto ginatil-ogan siya sulod sa usa ka panahon, ug sa mgapanahon, ug katunga sa panahon gikan sa nawong sa bitin.”
16. Uban sa unsa pa nga mga pulong ang propeta nagsulti sa sama nga panahon?
Pinadayag 12:6 Ug ang babaye mikalagiw ngadto sa kamingawan, diin didto siya may usa ka dapit nga giandam sa Dios, aron nga pagatil-ogan siya didto sa usa ka libo duha ka gatus ug kan-uman ka adlaw.
17. Unsa ang giya alang sa pag-ihap sa simbolo nga mga adlaw?
Ezekiel 4:3-6 “Ug magkuha ka alang kanimo ug usa ka palid nga puthaw, ug ibutang kana ingon nga usa ka kuta nga puthaw sa taliwala nimo ug sa ciudad: ug ipatumong mo ang imong nawong niana, ug kana pagasulongon, ug asdangon mo kana. Kini mao ang timaan alang sa balay sa Israel. 4 Labut pa humigda ka sa imong wala nga kilid, ug ibutang ang kasal-anan sa balay sa Israel sa ibabaw niana; sumala sa gidaghanon sa mga adlaw nga magahigda ka niana, ikaw magapas-an sa ilang kasal-anan. 5 Kay akong gibutang kanimo ang mga tuig sa ilang kasal-anan nga ingon lamang sa gidaghanon sa pipila ka adlaw, bisan totolo ka gatus ug kasiyaman ka adlaw: mao usab ang imong pagdala sa kasal-anan sa balay sa Israel. 6 Ug ingon man, sa diha nga ikaw makatuman na niini, ikaw mohigda sa imong too nga kilid, ug magadala ka sa kasal-anan sa balay sa Juda: kap-atanka adlaw, ang tagsatagsa ka adlaw alang sa usa ka tuig, ako nagtudlo niana kanimo.”
Numerus 14:34 “Ingon sa gidaghanon sa mga adlaw, sa inyong pagpaniid sa yuta, bisan sa kap-atan ka adlaw nga inyong gipaniiran kini , magadala kamo sa inyong kadautan sulod sa kap-atan ka tuig, maingon nga ang tagsa ka adlaw magaisip sa tagsa ka tuig, ug pagailhon ninyo ang akong pagtalikod.”
18. Unsang panghitabo ang nagtimaan sa pagtapos sa panahon?
Pahinumdum: Niadtong Pebrero, 1798, si General Berthier misulod sa Roma didto sa pangulo sa kasundalohan sa French, Midala ni Papa Pius VI isip binilanggo, ug nagtukod ug usa ka Republika sa Roma. Ang Papa namatay samtang gipalayas gikan sa Roma pagkasunod tuig, ug sulod sa duha ka tuig wala’y Papa. Tan-awa ang “Chambers” Cyclopedia, article “Pius.”
19.Kalabot sa unsa nga panghitabo ang pagmando sa Papado pagakuhaon?
Daniel 7:26 “Apan ang paghukom pagasugdan ug ilang pagakuhaon ang iyang dominio, aron sa pag-ut-ut ug paglaglag niini hangtud sa katapusan.”
20. Kanus-a nawala ang temporaryo nga pagdumala sa papado?
Tubag: A.D 1870.
Pahinumdum:“Niadtong Septembre, 1870, ang Roma, nga wala na gisuportahan sa French, ug nga napildi sa mga German, misurender ngadto kang Victor Emmanuel, ug ang pagpanag-iya sa kamandoan sa papa pormal nga gikuha, niadtong October 2, 1870.—Chambers’ Cyclopedia, article “Italy.”
21.Sa unsang paagi malaglag ang mananap?
Daniel 7:11 “Niadtong taknaa ako nagtan-aw tungod sa tingog sa dagkung mga pulong nga gisulti sa sungay; ako nagtan-aw hangtud nga gipatay ang mananap, ug ang iyang lawas gidugmok, ug kini gihatag aron sunogon sa kalayo.”
22.Unsa ang magalaglag sa papado?
2 Tesalonica 2:8 “Ug unya igapadayag ang masupilon, nga pagapatyon sa Ginoo sa espiritu sa iyang baba, ug pagalaglagon sa pagpadayag sa iyang pag-abut;”
The Bible Students' Library 