1. Paghatag ug paghulagway sa dakong larawan sa Daniel 2.
2. Unsang mga gingharian ang girepresentahan sa daghang bahin niini?
3. Pinaagi sa unsa ang ikaupat nga gingharian molampos?
4.Kanus-a ang una nga panan-awon ni Daniel?
Daniel 7:1 “Sa nahaunang tuig ni Belsasar nga hari sa Babilonia si Daniel may usa ka damgo ug mga panan-awon sa iyang ulo diha sa iyang higdaanan; unya iyang gisulat ang damgo, ug gisugilon ang katibuokan sa mga butang.”
5. Unsa ang una nga gipakita ngadto sa Propeta niini nga panan-awon?
Daniel 7:2 “Si Daniel misulti ug miingon: Ako nakakita sa akong panan-awon sa gabii, ug, ania karon, ang upat nga mga hangin sa langit mingkutaw sa dakung dagat.”
6. Unsay resulta sa panag-away?
Daniel 7:3 “Ug migula gikan sa dagat ang upat ka mga dagkung mananap, nga nagkalainlain ang usa ug usa.”
7. Sa unsa nagrepresentar ang hangin sa simbolikong tagna?
Jerimias 25:31-33 “Ang usa ka dinahunog modangat bisan pa ngadto sa kinatumyan sa yuta; kay si Jehova adunay pakiglalis batok sa mga nasud: siya magahukom sa tanang unod: ug mahitungod sa mga dautan, igahatag sila ngadto sa espada, nagaingon si Jehova. 32 Mao kini ang giingon ni Jehova sa mga panon: Ania karon, ang kadaut modangat sa nasud ngadto sa nasud, ug ang usa ka dakung bagyo pagapatuyboon gikan sa kinatumyan nga mga bahin sa yuta. 33 Ug ang mga pinatay ni Jehova niadtong adlawa molukop gikan sa usa ka tumoy sa yuta ngadto sa laing tumoy sa yuta; sila dili pagahilakan, ni pagahipuson, ni igalubong; sila mahimong kinalibang sa ibabaw sa nawong sa yuta.”
Jerimias 49:36, 37 “Ang usa ka tingog sa pagtu-aw sa mga magbalantay, ug pagminatay sa pangulo sa panon! kay ang ilang sibsibanan gihimong awa-aw ni Jehova. 37 Ug ang malinaw nga mga puloy-anan nangahilum tungod sa mabangis nga kasuko ni Jehova.”
8. Sa unsa nagrepresentar ang simbolikong mga tubig?
Pinadayag 17:15 “Ug nagaingon siya kanako: Ang mga tubig nga hingkit-an mo, nga ginalingkoran sa bigaon mao ang mga katawohan, ug mga panon sa katawohan, ug mga nasud, ug mga sinultihan.”
9.Unsa ang girepresentaran sa upat ka mananap niini nga panan-awon?
Daniel 7:17 “Kining dagkung mga mananap, nga upat, mao ang upat ka mga hari, nga manindog dinhi sa yuta.”
10.Unsa ang dagway sa unang mananap?
Daniel 7:4 “Ang nahauna sama sa usa ka leon, ug may mga pako sa agila: nakita ko hangtud nga ang mga pako niya giibut, ug kini gialsa gikan sa yuta, ug gipatindog sa duha ka tiil sama sa usa ka tawo: ug ang usa ka kasingkasing sa tawo gihatag niini.”
11.Unsa ang kinaiya sa ang ikaduhang mananap?
Daniel 7:5 “Ug, ania karon, ang laing mananap, ang ikaduha, sama sa usa ka oso; ug mibangon sa usa niya ka kilid, ug dihay totolo ka mga gusok sa iyang baba taliwala sa iyang mga ngipon, ug sa ingon niana sila ming-ingon kaniya: Bumangon ka, lamyon mo ang daghang unod.”
12. Sama sa unsa ang ikatulong mananap?
Daniel 7:6 “Sa human niini, nakita ko ang lain na usab, ug, ania karon, ingon sa usa ka leopardo, nga diha sa iyang bokoboko ang upat ka mga pako sa usa ka langgam: ang mananap may upat usab ka mga ulo; ug ang dominio gihatag kaniya.”
13. Ihulagway ang ikaupat nga mananap?
Daniel 7:7 “Sa tapus niini, nakita ko sa mga panan-awon sa kagabhion, ug, ania karon, ang ikaupat ka mananap, makahahadlok ug mabangis, ug hilabihan gayud pagkakusganon; ug kini may dagkung mga ngipon nga puthaw: siya milamoy ug mikunis-kunis, ug miyatak sa salin sa iyang mga tiil:ug kini lahi sa tanang mananap nga nanghiuna kaniya; ug kini may napulo ka mga sungay.”
14. Asa niini nga upat ka mga gingharian nagrepresentar ang ikaupat nga mananap?
Daniel 7:23 “Sa ingon niana siya miingon: Ang ikaupat nga mananap mao ang ikaupat nga gingharian sa yuta, nga lahi gikan sa tanang mga gingharian ug molamoy sa tibook yuta, ug magayatak niini, ug magadugmok kaniya.”
Pahinumdum: Tin-aw nga, kung ang upat ka mga mananap nagrepresentar sa upat ka mga gingharian, ug ang ika-upat nga mananap mibarog alang sa ika-upat nga bantugan nga gingharian, matag-usa niining tulo ka nagsunod-sunod nga mga mananap nagrepresentar gayud sa sunod-sunod nga mga gingharian sa gihatag nga mga simbolo niini. Busa ang ika-tulo nga mananap mubarog alang sa ikatulo nga gingharian, ug mao usab sa nauna. Ang una nga bantugan nga emperyo nga mao ang Babylonia, nagsimbolo kini ug Lion. Ang ikaduha nga mananap, sama sa Uso, nagpahayag gayud kini sa Medo-Persia; ug ang ikatulo, o mananap nga Leopardo, mao ang Grecia.
15. Kinsa ang nagbuntog sa Babilonya (unang mananap)?
Tubag: Ang Medo-Persia (ikaduhang mananap).
16. Kinsa ang nagbuntog sa Medo-Persia?
Tubag: Ang Grecia (ikatulong mananap).
17: Kinsa ang nagbuntog sa Grecia?
Tubag: Ang gamhanang imperyo nga nagsunod sa Grecia mao ang Roma. Ang historyador nga si Gibbon, nagsagop sa simbolo sa tagna aron sa paghubit sa kinaiya niining nagdugmok nga gahum ingon nga manununod sa nilabay nga labaw sa tanang gingharian, nga nagsulti sa ingon: ‘Ang mga hinagiban sa Republica (sa Roma), usahay nabuntog sa away, kanunay nga nagdaog sa gubat, nga miabante sa kusog nga mga lakang niini ngadto sa Eufrates, Danube, rhine, ug kadagatan; ug ang mga larawan nga bulawan, o plata, o tumbaga, nga mahimong magamit aron sa pagrepresentar sa mga nasud o ilang mga hari, malampuson nga nabungkag sa puthaw nga monarchy sa Roma. ‘ Edward Gibbon “The History of the Decline and Fall of the Roman Empire, chapter 38”
“monarchy mao ang sistema sa pang-gobyerno diin adunay usa ra nga magmamando kansang gahum walay kinutuban.“
Timan-i: Kung sundon nato ang ehemplo nga atong nasayran gikan sa mga mananap kaniadto, ang Roma gayud ang ika-upat nga gingharian tungod kay gibuntog niini ang Grecia. Ang Grecia nahimo nga usa ka probinsya sa Roma pagkahuman gisulong ug gitulis sa Roma ang Corinto niadtong 146 B.C.. Mahimo nimong mabasa kini sa mga website sa ubos. Sa laing pagkasulti kung ang una nga mananap nabuntog sa ikaduha, ug ang ikaduha nabuntog sa ikatulo, nan ang ikaupat nga mananap mao ang gingharian nga nakabuntog sa ikatulo, ug kana nga gingharian mao ang Roma.
https://www.worldhistory.org/timeline/Roman_Empire/
https://www.learnancientrome.com/did-ancient-rome-conquer-greece/
18.Unsa ang mahimong kinaiya niini nga gahum?
Daniel 7:23 “Sa ingon niana siya miingon: Ang ikaupat nga mananap mao ang ikaupat nga gingharian sa yuta, nga lahi gikan sa tanang mga gingharian ug molamoy sa tibook yuta, ug magayatak niini, ug magadugmok kaniya.”
19. Pila ka buok mga sungay ang anaa niini nga ika-upat ka mananap?
Daniel 7:7 “Sa tapus niini, nakita ko sa mga panan-awon sa kagabhion, ug, ania karon, ang ikaupat ka mananap, makahahadlok ug mabangis, ug hilabihan gayud pagkakusganon; ug kini may dagkung mga ngipon nga puthaw: siya milamoy ug mikunis-kunis, ug miyatak sa salin sa iyang mga tiil: ug kini lahi sa tanang mananap nga nanghiuna kaniya; ug kini may napulo ka mga sungay.”
20.Unsa ang gipasabut niining napulo ka mga sungay?
Daniel 7:24 “Ug mahitungod sa napulo ka mga sungay, gikan niining ginghariana motindog angnapulo ka mga hari: ug adunay lain nga motindog sunod kanila; ug siya lahi sa nahauna, ug siya modaug sa totolo ka mga hari.”
21.Taliwala sa pila ka mga tuig ang pagkabahin bahin sa emperyo sa Roma nahitabo?
Tubag: Taliwala sa mga tuig A.D 351 ug A.D 476.
The Bible Students' Library 