Mga Pagtuon sa Daniel ug Pinadayag | Leksyon 1

1. KINSA si Nabucodonosor?

Daniel 1:1 “Sa ikatolo ka tuig sa paghari ni Joacim, hari sa Juda, si Nabucodonosor, hari sa Babilonia, miadto sa Jerusalem ug gipalibutan kini.” 

2. Kanus-a niya gilibutan ang Jerusalem? ug unsa ang resulta?

Daniel 1:1-2 “Sa ikatolo ka tuig sa paghari ni Joacim,hari sa Juda, si Nabucodonosor, hari sa Babilonia, miadto sa Jerusalem ug gipalibutan kini. 2 Ug sa iyang kamot gitugyan sa Ginoo si Joacim, hari sa Juda, uban ang usa ka bahin sa mga sudlanan didto sa balay sa Dios; ug iyang gidala sila ngadto sa yuta sa Sinar sa balay sa iyang dios: ug iyang gidala ang mga sudlanan sa balay nga tipiganan sa iyang dios.” 

3. Kinsa ang ginganlan nga inila sa mga bihag nga gidala gikan sa Jerusalem ngadto sa Babilonya?

Daniel. 1:6 “Karon ang pipila niini kanila mao ang mga anak sa Juda nga si Daniel, Ananias, Misael, ug Azarias:” 

4. Sa unsa man nga paagi kining mga tawhana namatikdan, ilabina si Daniel?

Daniel 1:17 “Karon mahitungod niining upat ka mga batan-ong lalake, ang Dios naghatag kanilag kahibalo ug kabatid sa tanang kaalam ug kinaadman sa mga Caldeahanon: ug si Daniel may maayong pagsabut sa tanang mga panan-awon ug sa mga damgo.”

5. Sa pagsusi, unsa ang nakat-onan sa hari mahitungod sa ilang kaalam?

Daniel 1:20 “Ug sa bisan unsang butanga bahin sa kaalam sa salabutan nga gipakisayran kanila sa hari, iyang nakita nga sila labing maayo sa napulo ka pilo kay sa tanang mga mago ug mga maglalamat nga diha sa tibook niya nga ginsakupan.”

6. Unsa ang nakasamok ug nakawala sa katulugon ni Nabucodonosor?

Daniel 2:1 “Ug sa ikaduha ka tuig sa paghari ni Nabucodonosor, si Nabucodonosor nagdamgo sa mga damgo; ug ang iyang espiritu nasamok ug ang iyang pagkatulog mipahawa kaniya.”

7. Kang kinsa siya midangop alang sa kahupayan?

Daniel 2:2 “Unya ang hari nagsugo sa pagpatawag sa tanang mga mago, ug sa mga maglalamat, ug sa mga salamangkiro, ug sa mga Caldeahanon, aron ikasaysay nila sa hari ang iyang mga damgo. Busa sila nanagpanulod ug nangatubang sa hari.”

8. Makahubad ba sila sa iyang damgo?

Daniel 2:10 “Ang mga Caldeahanon nanubag sa atubangan sa hari, ug ming-ingon: Walay bisan usa ka tawo sa ibabaw sa yuta nga makapahayag niining butanga sa hari; kay, sanglit walay hari, ni agalon, ni punoan, nga nangutana nianang butanga sa mga mago, kun encantador kun Caldeahanon.”

9. Sa unsang paagi ang ilang tubag nakaapekto sa hari, ug unsa dayon ang iyang gibuhat?

Daniel 2:12-13 “Tungod niini ang hari nasuko ug naglagut sa hilabihan, ug nagsugo sa pagpapatay sa tanang mga tawong manggialamon sa Babilonia. 13 Busa ang sugo gipamantala, ug ang tanang mga tawong manggialamon pagapatyon; ug ilang gipangita si Daniel ug ang iyang mga kauban aron patyon.”

10. Sa pagkahibalo sa mando, unsa nga lakang ang gihimo ni Daniel?

Daniel 2:14-16 “Unya si Daniel, sa pagkamaalamon ug pagkamasinabuton, mitubag kang Arioch, ang capitan sa mga magbalantay sa hari, nga milakaw aron sa pagpatay sa mga tawo nga manggialamon sa Babilonia; 15 Mitubag siya kang Arioch, capitan sa hari, ug miingon : Ngano man nga hilabihan pagkahinanali ang sugo sa hari? Unya si Arioch mipahayag sa maong butang kang Daniel. 16 Ug si Daniel misulod, ug naghangyo sa hari nga hatagan unta siya ug panahon, ug iyang sayran ang hari sa kahulogan.”

11. Nakasabot ba si Daniel sa kahulogan sa damgo sa dihang misaad siya nga ipahibalo kini ngadto sa hari?

Daniel 2:17-18 “Unya miadto si Daniel sa iyang balay, ug gisuginlan niya ang iyang mga kauban, si Ananias, si Misael, ug si Azarias mahitungod niining butanga: 18 Nga sila mangamuyo sa kalooy sa Dios sa langit bahin niining tinago; aron unta si Daniel ug ang iyang mga kauban dili mangamatay uban sa laing mga tawong manggialamon sa Babilonia.”

12. Sa unsang paagi niya nakuha ang gitinguha nga impormasyon?

Daniel 2:19 “Unya ang tinago gipadayag kang Daniel pinaagi sa usa ka panan-awon sa kagabhion. Unya gidayeg ni Daniel ang Dios sa langit.”

13. Unsa dayon ang gibuhat ni Daniel?

Daniel 2:24 “Busa miadto si Daniel kang Arioch, ang gitudlo sa hari nga maoy magpatay sa mga tawong manggialamon sa Babilonia; miadto siya ug misulti kaniya sa ingon niini: Ayaw pagpatya ang mga tawong manggialamon sa Babilonia; dad-a ako sa atubangan sa hari, ug akong ipadayag sa hari ang kahulogan.”

14. Sa diha nga si Daniel gidala sa atubangan sa hari, unsa nga pangutana ang gipangutana kaniya?

Daniel 2:26 “Ang hari mitubag ug miingon kang Daniel, kansang ngalan mao si Beltsasar: Makahimo ka ba pagpadayag kanako sa damgo nga akong nakita, ug sa kahulogan niini?”

15. Unsang mapaubsanon apan maalamong tubag ang gitubag ni Daniel?

Daniel 2:27-28 “Si Daniel mitubag sa atubangan sa hari, ug miingon: Ang butang tinago nga gisugo sa hari kinahanglan ipadayag , dili ikapadayag kaniya, ni sa mga tawong manggialamon, ni sa mga maglalamat, ni sa mga mulo-manalagna; 28 Apan adunay usa ka Dios sa langit nga mopadayag sa mga tinago, ug siya nagpahibalo kang hari Nabucodonosor sa mga butang manghitabo sa ulahing mga adlaw. Ang imong damgo, ug ang mga panan-awon sa imong ulo sa ibabaw sa imong higdaanan, mao kini:”

16. Kang kinsa ginapadayag sa Diyos ang mga tinago?

Amos 3:7 “Sa pagkamatuod ang Ginoong Jehova dili magbuhat sa bisan unsa, gawas kong ang iyang tinago ipadayag niya sa iyang mga alagad, ang mga manalagna.”

17. Gipadayag ba ngadto kang Daniel kini nga tinago tungod sa iyang katungdanan taliwala sa mga magtatambag sa hari?

Daniel 2:30 “Apan mahitungod kanako, kini nga tinago wala ipadayag kanako, tungod kay labaw sa uban nga mga buhi ang akong kahibalo, kondili sa tuyo nga ang kahulogan ikapadayag sa hari, ug aron ikaw masayud sa mga hunahuna sa imong kasingkasing.”