ANG GUGMA SA DIOS Diha KANG KRISTO
1. Unsa ang limitasyon sa gugma sa tawo?
Juan 15:12-13 Kini mao ang akong sugo, nga maghigugmaay kamo ang usa ug usa, ingon nga ako nahigugma kaninyo. 13 Gugma nga labaw niini wala kang bisan kinsa, nga ang usa ka tawo nagahatag sa iyang kinabuhi alang sa iyang mga abyan.
2.Apan ang gugma sa Dios labaw pa niini.
Roma 5:8 Apan ang Dios nagapasundayag sa iyang kaugalingong gugma alang kanato, nga, sa mga makasasala pa kita, si Cristo namatay tungod kanato.
3. Unsa kadako ang pagsakripisyo sa Dios alang kanato?
Juan 3:16 Kay gihigugma sa Dios ang kalibutan, sa pagkaagi nga gihatag niya ang iyang Anak nga bugtong, aron ang tanan nga motoo kaniya dili mawala, kondili may kinabuhi nga walay katapusan.
4. Nagpadayag ba kini nga ang manulonda gihatag alang sa pagtabang kanato?
Hebreohanon 1:14 Dili ba silang tanan mga espiritu nga mag-aalagad, nga gisugo aron sa pag-alagad tungod niadtong mga manununod sa kaluwasan?
5. Unsa ang masiguro nato?
Roma 8:32 Siya nga wala magpagawas sa iyang kaugalingon nga Anak, kondili nagatugyan siya alang kanato ngatanan, ngano man nga dili usab niya ihatag kanato sa walay bayad ang tanang mga butang?
6. Unsa ang una nga gihatag kanato?
1 Corinto 1:4 Nagapasalamat ako gihapon sa akong Dios mahitungod kaninyo, tungod sa gracia sa Dios, nga gihatag kaninyo diha kang Cristo Jesus;
7.Unsa ang gidala sa ingon nganhi kanato?
Roma 3:24 Ingon nga gipakamatarung sila sa walay bayad, tungod sa iyang grasya pinaagi sa pagtubos nga anaa kang Cristo Jesus;
8. Ihulagway ang kahimtang sa napasaylo nga tawo?
Roma 5:1,2 Busa, sa ginapakamatarung kita tungod sa pagtoo, may pakigdait kita sa Dios pinaagi sa atong Ginoong Jesucristo; 2 Nga pinaagi kaniya usab may pultahan kita, tungod sa pagtoo niini nga gracia nga atong ginabarugan; ug nagakalipay kita sa paglaum sa himaya sa Dios.
9.Sa unsa kita ingon mamatarong?
Tito 3:7 Aron nga, sa gipakamatarung kita pinaagi sa iyang gracia, magmanununod kita sumala sa paglaum sa kinabuhi nga walay katapusan.
10. Unsa ang ebidensya nga kita mga anak sa Dios?
Tito 3:8 Pulong nga matinumanon, ug ginapanghinaut ko, nga imong pagpamatud-an kining mga butanga; aron ang mga nagatoo sa Dios, managtinguha sila sa pagkugi sa mga maayong buhat. Kini mao ang mga butang nga mga maayo ug may kapuslanan sa mga tawo.
11. Unsa ang katapusang resulta, kon magmatinud- anon?
1Juan 3:2 Mga hinigugma, karon mga anak kita sa Dios, ug wala pa ikapadayag kong maunsa kita. Hingbaloan nato nga kong igapadayag na siya, mahasama kita kaniya, kay siya makita nato ingon nga mao siya..
12. Unsa ang modala kanato niining paglauma?
1 Juan 3:3 Ug ang tanan nga aduna niini nga paglaum diha kaniya, nagaputli sa iyang kaugalingon, maingon nga siya putli.
13. Unsa ang naghimo niini nga paglaum nga usa ka buhi?
1 Pedro 1:3 Dalayegon ang Dios ug Amahan sa atong Ginoong Jesucristo, nga sumala sa iyang dakung kalooy, kita gipakatawo pag-usab niya ngadto sa buhing paglaum, pinaagi sa pagkabanhaw ni Jesucristo gikan sa mga minatay;
14. Unsa ang nahi-apil niana?
1 Pedro 1:4 Ngadto sa usa ka kabilin nga dili madunoton, ug walay buling, ug dili molubad, nga gitagana didto sa langit alang kaninyo,
15. Aduna bay gahum nga maghimo kanato nga matinud-anon?
Judas 1: 24,25 Karon kaniya nga arang makabantay kaninyo gikan sa pagkahulog, ug makapaatubang kaninyo sa iyang himaya sa walay ikasaway diha sa hilabihan gayud nga kalipay; 25 Alang sa bugtong nga Dios nga atong Manluluwas pinaagi kang Jesucristo nga atong Ginoo, ang himaya ug pagkahalangdon, ang kagamhanan ug pagbulot-an, sa wala pa ang tanang katuigan, ug karon, ug sa walay katapusan. Amen.
16. Unsaon nato nga kini nga tabang atong mabatonan?
I Pedro 1:5 Nga tungod sa gahum sa Dios ginabantayan kamo pinaagi sa pagtoo ngadto sa kaluwasan nga andam nga igapahayag sa katapusan nga panahon.
17. Unsa kalig-on ang gahum nga nagbugkos kanato ngadto Sa Dios?
Roma 8:38, 39 Kay nasayud ako, nga bisan ang kamatayon, bisan ang kinabuhi, bisan ang mga manolonda, bisan ang mga kagamhanan, bisan ang mga butang karon, bisan ang mga butang nga palaabuton, bisan ang mga gahum, 39 Bisan ang kahitas-an, bisan ang kahiladman, bisan kinsa sa uban nga mga binuhat, sila dili arang makapahamulag kanato gikan sa gugma sa Dios, nga anaa kang Cristo Jesus nga atong Ginoo.
The Bible Students' Library 