Kadaugan Ibabaw SA KAMATAYON
1. Unsay gibuhat kang Jesus human sa Iyang kamatayon?
Mateo 27:57-60 Ug sa pagkahapon, miabut ang usa ka tawong dato nga gikan sa Arimatea, nga ginganlan si Jose, tinon-an usab ni Jesus. 58 Kini miadto kang Pilato ug gipangayo niya ang lawas ni Jesus. Unya si Pilato nagsugo nga ihatag kaniya ang lawas. 59 Ug sa gikuha ni Jose ang lawas, giputos niya sa usa ka mahinlo nga panaptong lino. 60 Ug gibutang niya sa kaugalingon niyang lubnganan nga bag-o, nga kinalot niya sa bato nga bantilis. Ug gipaligid niya ang usa ka dakung bato paingon sa pultahan sa lubnganan ug milakaw siya.
2. Unsa ang Iyang gisulti mahitungod sa Iyang pagkabanhaw?
Mateo 16:21 Sukad niadtong panahona, misugod si Jesus sa pagpahayag sa iyang mga tinon-an, nga kinahanglan nga moadto siya sa Jerusalem, ug mag-antus ug daghang mga butang gikan sa mga anciano, ug sa mga punoan sa mga sacerdote, ug sa mga escriba, ug pagapatyon siya, ug mabanhaw sa ikatolo ka adlaw.
3.Unsay gibuhat sa mga Judeo tungod niini?
Mateo 27:62, 64 Karon, sa pagkaugma nga mao ang adlaw nga sunod sa adlaw sa pangandam, ang mga punoan sa mga sacerdote, ug ang mga Fariseo nanagtingub ngadto kang Pilato, 64 Busa, magsugo ka nga lig-onon ang lubnganan hangtud sa ikatolo ka adlaw, tingali kong moanhi ang iyang mga tinon-an sa kagabhion ug ilang pagakawaton siya ug manag-ingon sila sa lungsod: Nabanhaw siya gikan sa mga minatay, ug ang naulahi nga kasaypanan magalabi pa kadautan kay sa nahauna.
4. Unsa ang tubag ni Pilato?
Mateo 27:65 Si Pilato miingon kanila: Anaay mga bantay; adtoa ninyo, lig-ona pag-ayo kutob sa inyong mahimo.
5. Unsa ang panagana nga gihimo aron malikayan ang pagpanglingla o pagpanglimbong?
Mateo 27:66 Mao nga giadto nila, ug gilig-on pag-ayo ang lubnganan, nga gipatikan ang bato, ang mga bantay uban kanila.
6. Unsa ang girepresentahan sa mga guardiya og patik? Tan-awa ang Pahinumdum
7. Unsa ang silot sa pagguba sa patik? Tan-awa ang Pahinumdum.
8. Kinsa ang nagguba niini?
Mateo 28:2 Ug ania karon, miabut ang usa ka dakung linog; kay usa ka manolonda sa Ginoo mikanaug gikan sa langit, ug miduol ug giligid niya ang bato sa pultahan, ug milingkod kaniya.
9. Unsay epekto sa iyang presensya sa mga bantay o Gwardya?
Mateo 28:3, 4 Ang iyang panagway sama sa kilat ug ang iyang bisti maputi ingon sa nieve. 4 Ug tungod sa kahadlok kaniya nanagpangurog ang mga bantay, ug nangahimo nga daw mga patay.
10. Kinsa sa Iyang mga tinun-an ang unang nakakita Kaniya human Siya nabanhaw?
Juan 20:14-16 Sa nakaingon siya niini, milingi siya, ug nakita niya si Jesus nga nagatindog, apan wala siya makaila nga kadto mao si Jesus. 15 Si Jesus miingon kaniya: Babaye, nganong nagahilak ikaw? Kinsa ba ang imong gipangita? Siya, nga nagahunahuna nga kadto mao ang magbalantay sa tanaman, miingon kaniya: Ginoo, kong imong gikuha siya gikan dinhi, tug-ani ako kong hain nimo siya ibutang, ug ako siyang pagakuhaon. 16 Si Jesus miingon kaniya: Maria! Siya milingi ug miingon kaniya sa pinulongan nga Hebreohanon: Rabboni! nga ang kahulogan, Magtutudlo!
11. Pagngalan sa uban nga Iyang gipakita?
Lukas 24:13, 30, 34 Ug ania karon, ang duha kanila nangadto sa maong adlaw sa lungsod nga diyutay, nga ginganlan Emmaus, nga gikan sa Jerusalem may napulog usa ka kilometro. 30 Ug nahatabo nga sa nakalingkod siya uban kanila sa pagkaon, mikuha siya ug tinapay; ug gipanalanginan, gipikaspikas niya ug gipanghatag kanila. 34 Nga nagaingon: Matuod gayud nga nabanhaw ang Ginoo, ug nagpakita kang Simon.
12. Giunsa paghisgot ni Pablo kini nga mga saksi sa mubo?
1 Corinto 15:3-8 Kay una sa tanan gitugyan ko kaninyo ang akong nadawat usab, nga si Cristo namatay tungod sa atong mga sala, sumala sa mga Kasulatan; 4 Ug nga gilubong siya ug nga nabanhaw sa ikatolo ka adlaw, sumala sa mga Kasulatan; 5 Ug nga siya mitungha kang Cefas; unya sa napulo ug duha. 6 Unya mitungha siya sa kapin sa lima ka gatus ka mga igsoon sa tingub; nga ang kadaghanan kanila mga buhi pa hangtud karon, apan ang uban nangatulog na; 7 Unya mitungha siya kang Jacobo; unya sa tanang mga apostoles; 8 Ug sa katapusan sa tanan, nagpakita siya kanako, ingon ako sa bata nga natawo sa dili panahon.
13. Unsay iyang gisulti mahitungod kanila niadtong panahuna?
1 Corinto 15:6 Unya mitungha siya sa kapin sa lima ka gatus ka mga igsoon sa tingub; nga ang kadaghanan kanila mga buhi pa hangtud karon, apan ang uban nangatulog na;
14. Unsang limbong ang gihimo sa mga Judeo?
Mateo 28:11-15 Apan samtang nanagpanlakaw sila, ania karon, ang uban sa mga bantay nangabut sa ciudad ug nanagsugilon sa mga punoan sa mga sacerdote sa tanang mga butang nga nanghitabo. 12 Ug sa nanagtigum sila kauban sa mga anciano, ug sa nanagsabut sila, gihatagan nila ug daghang salapi ang mga sundalo, 13 Nga nagaingon: Mag-ingon kamo: Ang iyang mga tinon-an nagpanganhi sa gabii, ug ilang gikawat siya samtang nanagpangatulog kami. 14 Ug kong kini hidunggan sa gobernador, pagalukmayon namo siya, ug maluwas kamo sa kasamok. 15 Busa gidawat nila ang salapi, ug gibuhat nila sumala sa gitudlo kanila. Ug kining pulonga ginapabantug sa taliwala sa mga Judio hangtud karong adlawa.
15. Ngano nga ang Ginoo nagdasig sa ingon nga panagana nga buhaton?
Tubag: Aron ang kalibutan makasiguro nga walay pagpanglimbong nga gihimo, nga si Jesus nabanhaw gayud.
16. Pila ka adlaw Siya nagapadayon sa pagpakita sa katawhan?
Mga Buhat 1:3 nNga kanila usab; pinaagi sa daghang mga pagpamatuod, nagpakita siya nga buhi, sa tapus siya mag-antus nga siya napakita kanila sulod sa kap-atan ka adlaw; ug siya nagasulti kanila sa mga butang nga mahatungod sa gingharian sa Dios:
17.Dayon unsay nahitabo?
Mga Buhat 1:9 Ug sa nakasulti siya niini, sa nagatan-aw sila kaniya, gibayaw siya sa itaas; ug usa ka panganod midawat kaniya nga misalipod sa ilang mga mata,
18. Unsa ang makapahumpay nga saad sa manolunda?
Buhat 1:10, 11 Ug sa nagatutok sila sa langit, sa mikayab siya, ania karon, duruha ka tawo mitindog sa tupad nila, nga nagbisti ug maputi. 11 Nga nagsulti usab kanila: Mga tawo nga Galileanhon, nganong nanagtutuk kamo sa langit? Kining Jesus nga gibayaw sa langit gikan kaninyo, mobalik sa maong pagkaagi sumala sa inyong hingkitan, siya nga nagasaka sa langit.
PAHINUMDUM
Oh, unsa ka dako nga kasigurohan ang gihatag sa Dios kanato mahitungod sa pagkabanhaw ni Kristo! Ang pinakagusgan nga nasud sa kalibutan mitinguha sa pagbantay o pag-guwardya niana nga lubnganan, nga nagsilyo niini sa silyo sa puthaw nga gingharian nga nagamando sa ibabaw sa tibuok kalibutan. Ang pagsupak niana nga guwardiya/magbalantay o ang pagguba niana nga selyo maoy kamatayon ni bisan kinsang tawo. Apan nahadlok ba ang manulonda sa mga sundalo nga naggwardiya o nagbantay? Nahadlok ba siya sa selyo sa mga Romano? Siya nagabaton sa sugo gikan sa Usa kansang trono anaa sa mga langit, kansang gingharian nagmando sa tanan. Iyang gihampak ang mga bantay sa yuta, gitapion ang iyang kamot sa bato, ug ang silyo nabuak, ang lubnganan naabli; ug unya, dili sama sa espiya, kinsa, ilalum sa tabon sa kangitngit, misulod sa yuta sa usa ka kaaway, ug, sa natuman na ang iyang tuyo, nagdali siya sa pag-ikyas aron dili matiktikan, siya sa katagbawan milingkod sa ibabaw sa bato nga may gibuak nga selyo, samtang ang lubnganan wala nay sulod sa bahandi niini. ”Gikawat siya sa iyang mga tinun-an.” Sa pagkatinuod! Nabatasan ba sa Roma ang maong mga pagpabaya sa bahin sa iyang mga guwardiya? —Oh, dili! Ang kamatuoran klaro kaayo, ang Roma nakigtagbo sa usa ka mas taas nga gahum, ug nag-antus sa usa ka makauulaw nga kapildihan.
The Bible Students' Library 