ANG PAGPAKIGBUGNO NI KRISTO SA KAMATAYON
1. Unsa ang resulta sa sala?
Tubag: Kamatayon
2. Paghatag ug usa ka paagi diin si Jesus nagpadayag sa Iyang gahum sa pagsanta sa kamatayon.
Mateo 4:23 Ug gilibut ni Jesus ang tibook Galilea, nga nagapanudlo didto sa mga sinagoga nila, ug nagamantala sa Maayong Balita sa gingharian, ug nagaayo sa tanan nga balatian, ug tanan nga sakit sa katawohan.
3. Paghatag gihapon og lig-on nga ebidinsya nga nagpakita sa pagbuntog sa kamatayon.
Juan 11:43, 44 Ug sa naka-ingon siya niini, misinggit siya sa dakung tingog: Lazaro, umari ka sa gawas. 44 Ug migula ang namatay, nga ginapus ang mga tiil ug mga kamot, sa mga igabugkos nga sa lubnganan; ug ang iyang nawong naputos sa usa ka panyo. Si Jesus miingon kanila: Badbari ninyo siya, ug palakta siya.
4. Ngano nga kini nga panghitabo nahimo nga dako nga timaan?
Juan 11:39 Si Jesus miingon: Kuhaa ninyo ang bato. Si Marta, nga igsoon sa minatay, miingon kaniya: Ginoo, niining panahona mabaho na siya, kay may upat na ka adlaw nga siya namatay.
5. Unsa nga pagpahayag ang iyang gihimo niining panahuna?
Juan 11:25 Si Jesus miingon kaniya:Ako mao ang pagkabanhaw ug ang kinabuhi: ang motoo kanako, bisan siya namatay, mabuhi pa siya.
6. Si Jesus ba nakasabot nga Siya gayod mamatay?
Lucas 9:22 Nga nagaingon: Ang Anak sa tawo kinahanglan magaantus sa daghang mga butang, ug igasalikway sa mga anciano ug sa mga pangulong sacerdote, ug sa mga escriba, ug pagapatyon, ug mabanhaw sa ikatolo ka adlaw.
7. Nangandoy ba Siya ng likayan Niya kini?
Juan 12:27 Karon nasamuk ang akong kalag; ug unsay igaingon ko? Amahan, luwasa ako niining taknaa. Apan tungod niini mianhi ako niining taknaa.
8. Unsa ang gibati niya sa tamanan o garden?
Lucas 22:42 Nga nagaingon: Amahan, kong buot ka, kuhaa kanako kining copa: apan dili matuman ang akong kabubut-on kondili ang imo.
9.Ihulagway ang paagi sa iyang kamatayon. Gipaantos, gitamay, gibiay-biay gilud-an, gidughang ang kilid niya, gikuronahan og tunok, wala nato mahala.
10. Unsa ang kahulugan sa korona nga tunok? Tan-awa ang Pahinumdum 1
11. Giunsa Siya pagtratar sa mga katawohan?
Isaias 53:3, 5, 7 Gitamay siya, ug gisalikway sa mga tawo; usa ka tawo sa mga kasub-anan, ug nakasinati sa pag-antus: ug ingon sa usa nga gikan kaniya gitago sa mga tawo ang ilang nawong siya gibiaybiay; ug siya wala nato mahala. 5 Apan siya ginasamaran tungod sa atong kalapasan, siya napangos tungod sa atong mga kasal-anan; ang silot sa atong pakigdait diha sa ibabaw niya; ug tungod sa iyang mga labod kita nangaayo. 7 Siya gidaugdaug, apan sa diha nga siya gisakit, wala niya bukha ang iyang baba; ingon sa usa ka nating carnero nga ginadala ngadto sa ihawan, ug ingon sa usa ka carnero nga naamang sa atubangan sa iyang mga maggugunting, mao usab wala niya bukha ang iyang baba.
Mateo 26:67 Unya gilud-an nila ang iyang nawong ug gisumbag, ug ang uban nagsagpa kaniya,
12. Giunsa Niya pagdala kini nga pag-abuso Kaniya?
Isaias 53:7 Siya gidaugdaug, apan sa diha nga siya gisakit, wala niya bukha ang iyang baba; ingon sa usa ka nating carnero nga ginadala ngadto sa ihawan, ug ingon sa usa ka carnero nga naamang sa atubangan sa iyang mga maggugunting, mao usab wala niya bukha ang iyang baba.
1 Pedro 2:23 Nga, sa gipasipalahan siya, wala siya mobalus sa pagpasipala; sa nagaantus siya, wala siya maghulga; kondili siya nagtugyan sa iyang kaugalingon kaniya nga nagahukom sa matarung gayud;
13. Unsa ang Iyang gibati sa mga nagapasipala Kaniya?
Lucas 23:34 Ug si Jesus miingon: Amahan, pasayloa sila, kay wala sila manghibalo sa ilang ginabuhat. Ug sa pagbahinbahin nila sa iyang bisti, ilang girifahan.
14. Unsa ang nahitabo sa kinaiyahan?
Mateo 27:45, 51-54 Ug sukad sa ikaunom ka takna miabut ang kangitngit sa tibook nga yuta hangtud sa ikasiyam ka takna. 51 Ug ania karon ang tabil sa templo napikas gikan sa ibabaw hangtud sa ubos, ug ang yuta nauyog, ug nangabuak ang mga batong bantilis. 52 Ug nangaukab ang mga lubnganan, ug daghan nga lawas sa mga balaan nga nangatulog, nangabanhaw. 53 Ug sa nanggula sa mga lubnganan, sa tapus sa iyang pagkabanhaw, nangadto sila sa ciudad nga balaan, ug nanagpakita sa daghan. 54 Ug ang centurion ug ang mga kauban niya didto sa pagbantay kang Jesus, sa nasud-ong nila ang linog ug ang mga butang nga nagakahatabo, nangahadlok sila pag-ayo nga nagaingon: Matuod gayud nga kini mao ang Anak sa Dios.
15. Balikon nato ang magul-anong paghilak.
Mateo 27:46 Ug sa haduol na ang ikasiyam ka takna, misinggit si Jesus sa usa ka makusog nga tingog nga nagaingon: Eloi, Eloi, lama sabactani? Nga kong hubaron: Dios ko, Dios ko, nganong gibiyaan mo ako?
16. Nganong namatay man Siya sa wala madugay? Tan-awa ang Pahinumdum 2
17. Unsa ang gibati sa Iyang mga desipolo?
Lucas 24:17, 21 Ug siya miingon kanila: Unsang mga hilisgutan kini nga inyong ginasultihan samtang nagalakaw kamo? Ug sila mihunong nga nagmasulob-on. 21 Apan kami milaum nga siya mao kadtong magatubos sa Israel. Oo, ug labut pa niining tanan, ikatolo na karon ka adlaw sukad kining mga butanga manghitabo.
18. Unsa ang saad sa Dios mahitungod Kaniya?
Salmo 16:10 Tungod kay dili mo pagabiyaan ang akong kalag sa Sheol; Ni motugot ka nga ang imong balaan makakita sa pagkadunot.
MGA PAHINUMDUM:
1. Ang tunglo sa yuta mga tunok og mga sampinit. Sa dihang ang Judio diha sa ilang kasuko og pagbiay-biay nagsalapid niadtong tunokon nga korona, og giduot kini sa kilay sa Manluluwas hangtud nga miagas ang dugo diha sa nagaantus nga nawong, sa diotay sila naghuna-huna nga sa hilum nagaingon sa kalibutan. Tan-awa ang Usa nga nagapas-an sa tunglo sa sala sa kalibutan.
2. Ang kabug-at sa sala sa kalibutan anaa sa ibabaw Niya, ang mabiay-biayong katawhan naglibut Kaniya; ang Iyang Langitnong Amahan nagkuha sa Iyang presensya; ang kabug-at hilabihan ka dako, og Siya namatay sa usa ka masulub-on nga kasingkasing. Ang mga doctor nagsulti kanato nga ang pag-agas sa dugo og tubig nagapamatuod niini nga kamatuoran.
John 19:34 Apan usa sa mga sundalo midughang sa iyang kilid sa usa ka bangkaw, ug gilayon miagay ang dugo ug tubig.
The Bible Students' Library 