ANG GAHUM SA MANLULUWAS IBABAW SA MGA TENTASYON
1. Unsa ang hinungdan nganong kita nanginahanglan ug Manluluwas?
2. Kinsa ang nagdala sa sala dinhi sa kalibutan?
3. Kon si Kristo maoy usa ka Manluluwas, unsa nga gahum ang kinahanglan nga ipadayag?
Tubag—Ang gahum batok kang Satanas ug sa iyang mga pagtintal.
4. Diha-diha human sa Iyang bautismo asa si Jesus gidala og alang sa unsa nga tumong ang pagdala?
Mateo 4:1 Unya si Jesus gihatud sa Espiritu sa kamingawan aron pagatintalon sa yawa.
5. Unsa ka dugay kini nga tentasyon nagapadayon?
Lucas 4:2 Nga gitintal sa yawa sulod sa kap-atan ka adlaw. Ug siya wala mokaon bisan unsa niadtong mga adlawa, ug gilayon sa pagkatapus niini, gigutom siya.
6. Unsa ang unang tentasyon sa yawa ngadto Kaniya sumala sa nahisulat?
Mateo 4:3 Ug miduol kaniya ang maninintal ug miingon: Kong ikaw mao ang Anak sa Dios, Sumulti ka nga kining mga bato mahimong mga tinapay.
7. Unsa ang pinaka importante nga punto nga gipakita niini? Tan-awa ang Pahinumdum 1
8. Unsa ang tubag sa Dios ngadto sa yawa?
Mateo 4:4 Apan mitubag siya ug miingon: Nahisulat na: Dili lamang sa tinapay mabuhi ang tawo, kondili sa tanan nga pulong nga nagagula sa baba sa Dios.
9. Unsa ang ikaduhang dakong pagtintal?
Mateo 4:5, 6 Unya gidala siya sa yawa sa lungsod nga balaan, ug gibutang siya sa lantawanan sa templo; 6 Ug nag-ingon kaniya: Kong ikaw Anak sa Dios, umambak ka sa ubos, kay nahisulat na: Magasugo siya sa iyang mga manolonda nahatungod kanimo, ug pagasapnayon ikaw nila sa ilang mga kamot aron dili mahipangdol ang imong tiil sa bato.
10. Unsa ang pinasahi nga bahin niini? Palihug tan-awa ang Pahinumdum 2
11. Giunsa ni Jesus sa pagsugat kini?
Mateo 4:7 Si Jesus miingon kaniya: Nahisulat na usab: Dili mo pagtintalon ang Ginoo nga imong Dios.
12. Unsa ang ikatulo nga tentasyon o paglimbong?
Mateo 4:8,9 Unya gidala na usab siya sa yawa sa usa ka bukid nga hataas uyamut, ug gipakita kaniya ang tanan nga gingharian sa kalibutan, ug ang ilang himaya; 9 Ug nagaingon kaniya: Ngatanan kining mga butanga igahatag ko kanimo kong maghapa ka sa pagsimba kanako.
13. Sa unsa si Satanas mihangyo niini? Tan-awa ang Pahinumdum 3
14. Giunsa niya paghimo ang ingon nga tanyag?
Lucas 4:6 Ug miingon ang yawa kaniya: Kanimo igahatag ko ang pagbulot-an niining tanan, ug ang himaya nila: kay kini ginatugyan kanako; ug igahatag ko kini kang bisan kinsa nga akong buot pagahatagan.
15. Kinsa ang nagtugyan niini ngadto kaniya? Tan-awa ang Pahinumdum 4
16. Giunsa ni Jesus pagsugat kini nga tentasyon?
Lukas 4:8 Ug mitubag kaniya si Jesus ug nag-ingon: Pahawa ka sa akong atubangan, satanas; kay nahasulat na: Magsimba ka sa imong Ginoong Dios, ug kaniya lamang mag-alagad ikaw.
17. Ipakita ang susama niini nga tentasyon og ang testasyon nga nahitabo pagkasala o pagkahulog ni Adan.
18. Sa unsa nga laing paagi gipakita ni Kristo ang Iyang gahom batok kang Satanas?
Lucas 4:41 Ug ang mga yawa usab minggula gikan sa daghang mga tawo, nga nanagsinggit ug nanag-ingon: Ikaw mao ang Anak sa Dios. Ug sa nagabadlong kanila wala niya pasultiha sila, tungod kay nakaila sila nga siya mao ang Cristo.
19. Unsa man ang katapusan nga resulta?
Hebreohanon 2:14 Busa sanglit kay ang mga anak umalambit man sa unod ug dugo, sa maong pagkaagi, siya usab miambit niini, aron tungod sa kamatayon pagawagtangon niya pinaagi sa kamatayon ang may gahum sa kamatayon, nga mao ang yawa;
1. Sa unang tentasyon si Satanas mipakita sa pagsulay sa gana sa pagkaon diha sa pagpaningkamot sa malisod nga kahimtang. Si Jesus wala naghimo sa katingalahan/milagro aron sa paghupay sa Iyang kaugalingon, kondili gi-antus Niya kini isip usa ka tawo nga dili makahimo og katingalahan, apan sa yano nagasalig sa Dios.
2. Sa ikaduhang pagsulay si Satanas nag-ingon: Karon sa unang pagsulay misalig ka sa Dios; sakto ka sa imong gibuhat. Karon gusto ko nga buhaton usab nimo ang ingon dinhi, ug dugangan pa ang pagsalig kaniya. Sa ingon niini siya naninguha sa paggiya kang Jesus ngadto sa pagpangagpas diin daghan sa mga katawhan ang mahulog, kay ang buhat sa pangagpas anaa sa utlanan sa dalan sa pagsalig.
3. Sa ikatulo nga pagsulay si Satanas nagdani sa gugma sa tawo alang sa himaya ug gahum, ug naninguha sa pagdugang sa kusog niini pinaagi sa pagpahinumdom kang Jesus nga Siya mianhi dinhi aron mamatay aron maangkon kining tanan, apan aron maangkon kini, siya nagtanyag ug mas sayon nga paagi. Simbaha ako ug makabaton ka niini.
4. Sa gisulti sa Roma 6:16, si Adan nahimong ulipon ni Satanas, pinaagi sa pagsunod kang Satanas, ang iyang gipanag-iyahan uban sa iyang kaugalingon, nahatag niya kining tanan ngadto sa iyang bag-o nga agalon.
The Bible Students' Library 