Ang Kinabuhi Ni Kristo | Leksyon 3

ANG PAGPANUDLO NI JESUS

1. Unsa nga panghitabo ang nagtimaan sa unang pagmensahe ni Kristo sa publiko?

Mateo 3:13-17 Unya miadto si Jesus kang Juan ngadto sa Jordan gikan sa Galilea aron siya pagabautismohan niya. 14 Apan si Juan misalanta kaniya nga nagaingon: Ako ang may kinahanglan nga pagabautismohan nimo, ug ikaw na hinoon ang moanhi kanako? 15 Apan sa mitubag si Jesus, miingon kaniya: Pasagdi una karon, kay mao kini ang angay kanato aron sa pagtuman nga hingpit sa tibook nga pagkamatarung, Unya gipasagdan siya. 16 Ug sa nabautismohan na si Jesus gilayon mihaw-as siya sa tubig. Ug ania karon, naukban kaniya ang mga langit, ug iyang nakita ang Espiritu sa Dios, nga mikunsad ingon sa salampati, ug mianha sa ibabaw niya. 17 Ug ania karon usa ka tingog gikan sa mga langit, nga nagaingon: Kini mao ang akong Anak nga hinigugma, nga kaniya ako adunay kalipay.

2. Sa unsang paagi kinahanglan Siya magadala sa kamatuoran ngadto sa katawhan?

Tubag: Pinaagi sa mga lagda og panig-ingnan.

3. Sa Iyang pagpanudlo unsa ka taas ang pagbutang Niya sa sukdanan sa moralidad?

Mateo 5:48, 8. 48 Busa mamahingpit kamo, ingon nga hingpit ang inyong Amahan nga langitnon. 8 Bulahan ang mga maputli ug kasingkasing, kay sila makakita sa Dios.

4. Unsa ang saad nga iyang gihimo ngadto kanila kinsa sa dakung kakugi nagapangita sa maong kahimtang?

Mateo 5:6 Bulahan ang mga gigutom ug giuhaw sa pagkamatarung, kay sila pagabusgon.

5. Unsa ang sumbanan sa matarung nga pagkinabuhi?

Deuteronomio 6:25 Ug kini mamahimong pagkamatarung alang kanamo kong pagabantayan namo ang pagtuman niining tibook nga sugo sa atubangan ni Jehova nga atong Dios, ingon sa iyang gisugo kanamo.

Ecclesiastes 12:13 Kini mao ang katapusan sa butang; ang tanan nadungog na: Kahadloki ang Dios, ug bantayi ang iyang mga sugo; kay kini mao ang tibook nga katungdanan sa tawo.

6. Unsa ang pagpanudlo ni Kristo diha sa pagpakisayod og Pag-ila sa balaod?

Mateo 5:17 Dili kamo maghunahuna nga ako mianhi sa pagbungkag sa Kasugoan, kun sa mga Manalagna; wala ako moanhi sa pagbungkag, kondili aron sa pagtuman.

7.Unsa ang Iyang giingon ngadto kanila nga nanagpanudlo sunod kaniya?

Mateo 5:19 Tungod niini bisan kinsa nga magalapas sa usa niining mga sugo nga labing diyutay, ug magatudlo sa mga tawo sa ingon, paganganlan nga labing diyutay sa gingharian sa langit; apan bisan kinsa ang magatuman ug magapanudlo kanila, kini paganganlan nga daku sa gingharian sa langit.

8.Karon, unsa ang usa ka tuyo sa pagsunod o pagtuman sa Kasuguan?

Roma 3:20 Tungod kay pinaagi sa mga buhat sa Kasugoan walay bisan unsa nga unod nga pagapakamatarungon sa iyang atubangan; kay pinaagi sa kasugoan moabut ang pag-ila sa sala.

9.Sa unsa nga paagi si Kristo nagpakita sa pagkamatarong og sa pasunod sa kinaiyahan sa balaod?

Tubag: Pinaagi sa pagtudlo ug pagsunod niini sa kinabuhi, ug sa pagkamatay puli sa tawo aron matubag ang mga gipangayo niini..

10. Unsa ang Iyang gisulti alang niadtong himalatyon?

Juan 5:40 Ug kamo dili moduol kanako, aron makabaton kamo sa kinabuhi.

11. Alang sa anaa sa kangitngit sa sala unsay Iyang giingon?

Juan 8:12 Unya misulti pag-usab si Jesus kanila, nga miingon: Ako mao ang kahayag sa kalibutan; ang mosunod kanako, dili magalakaw sa kangitngit, kondili may kahayag sa kinabuhi.

12. Unsa ang Iyang giingon alang kanila nga giuhaw?

Juan 4:14 Apan bisan kinsa nga moinum sa tubig nga akong igahatag kaniya, dili na gayud pagauhawon siya; apan ang tubig nga akong igahatag kaniya mahimo diha kaniya nga tuburan sa tubig nga magatubod ngadto sa kinabuhi nga walay katapusan.

13. Kanila nga gigutom unsa ang Iyang giingon?

Juan 6:48, 51 Ako mao ang tinapay sa kinabuhi. 51 Ako mao ang buhing tinapay nga nanaug gikan sa langit; bisan kinsang tawo nga mokaon niini nga tinapay, siya mabuhi sa gihapon: oo, ug ang tinapay nga akong ihatag mao ang akong unod, alang sa kinabuhi sa kalibutan.

14. Unsa ang Iyang giingon alang kanila nga nagmasakiton og gikapoy sa sala?

Mateo 11:28, 30 Umari kanako kamong tanan nga gikapuyan ug gibug-atan, ug papahulayon ko kamo. 30 Kay ang akong yugo masayon, ug magaan ang akong lowan.

15. Unsa ang gisulti ni Jesus nga kinahanglan mahitabo sa dili pa ang katapusan sa kalibutan?

Mateo 24:14 Ug igawali kining Maayong Balita sa gingharian sa tibook nga kalibutan, aron sa pagmatuod sa tanang mga nasud, ug unya magaabut ang katapusan.

16. Mahitungod niining gisulti ni Jesus unsa ang gitudlo ni Apostol Pablo?

Mga Buhat 20:21 Nga nagapamatuod sa mga Judio ug sa mga Greciahanon usab sapaghinulsol ngadto sa Dios, ug sa pagtoo sa atong Ginoong Jesucristo.

17. Karon, unsa usab ang gitudlo ni Kristo?

Tubag: Ang balaod sa Diosalang sapagdani o pagkombinsir sa katawhan sa sala, og nga pinaagi lamang sa pagtuo Kaniyamakaikyas o makalingkawas kita gikan sa makalilisang nga silot niini.