NGANO NGA GIKINAHANGLAN MAN NGA SI JESUS
MOPUYO NIINING KALIBUTAN ISIP USA KA BATA, USA KA BATAN-ON UG USA KA TAWO
1. Sa unsa nga paagi ang tawo makabaton og kinabuhi?
2. Ang sala nakasulod, Unsa ang gihimo nga saad?
3. Paghingalan o paghatag og resulta sa human ang tawo nakasala?
4. Unsa ang tuyo ni Kristo dinhi sa kalibutan?
Lukas 19:10 “Kay ang Anak sa tawo mianhi sa pagpangita ug sa pagluwas niadtong nawala.”
5. Unsa ang ngalan nga gihatag sa angel o manulunda sa usa ka nahimugso nga bata?
Mateo 1:21 “Ug siya magaanak ug usa ka anak nga lalake, ug pagatawgon mo ang iyang ngalan JESUS, kay siya magaluwas sa iyang lungsod gikan sa ilang mga sala.”
6. Asa si Jesus natawo?
Mateo 2:1, 5 “Ug sa natawo si Jesus sa Betlehem sa Judea, sa mga adlaw ni Herodes nga hari, ania karon, miabut sa Jerusalem mga mago gikan sa Sidlakan:” 5 “Ug sila nag-ingon kaniya: sa Betlehem sa Judea, kay mao kini ang nahasulat pinaagi sa manalagna:”
7. Unsa ang dili malimtan nga panghitabo diha sa pagkatawo o pakahimugso sa usa ka bata nga si Jesus?
Mateo 2:2 Hain ang natawo nga hari sa mga Judio? Kay hingkit-an namo ang iyang bitoon sa Sidlakan, ug mianhi kami sa pagsimba kaniya.
Lucas 2:9, 13-14 Ug ania karon, usa ka manolonda sa Ginoo mikunsad kanila, ug ang himaya sa Ginoo misidlak sa libut nila ug nangalisang sila sa dakung kahadlok. 13 Ug sa kalit mitungha uban sa manolonda ang usa ka kadaghanan sa mga panong langitnon nga nanagdayeg sa Dios ug nanag-ingon: 14 Himaya sa Dios sa kahitas-an, ug sa yuta pakigdait sa taliwala sa mga tawo nga iyang gikahimut-an.
8. Siya ba sa hinay-hinay nagatubo, sama sa lain nga mga bata?
Lukas 2:52 Ug si Jesus nagatubo sa kinaadman, ug sa gitas-on ug sa kahimut-an sa Dios ug sa mga tawo.
9. Asa siya naghatag og dakong panahon sa Iyang pagkabatan-on?
Mateo 2:23 Ug miabut ug mipuyo sa usa ka lungsod nga ginganlan Nazaret, aron matuman ang ginasulti pinaagi sa mga manalagna: Pagatawgon siya ug Nazaretnon.
Lukas 2:51 Ug milugsong siya kuyog kanila, ug miabut sa Nazaret; ug siya nagpailalum sa ilang pagbuot: ug ang iyang inahan nagtipig niining tanang mga pulong sa iyang kasingkasing.
10. Unsa ang imong masulti niini nga siyudad?
Juan 1:46 Ug si Natanael miingon kaniya: May maayo bang butang nga mogula gikan saNazaret? Si Felipe miingon kaniya: Umari ka ug tan-awon mo.
11. Unsa ang imong masulti sa kinabuhi ni Kristo sa iyang pagdako?
Isaias 53:3 Gitamay siya, ug gisalikway sa mga tawo; usa ka tawo sa mga kasub-anan, ug nakasinati sa pag-antus: ug ingon sa usa nga gikan kaniya gitago sa mga tawo ang ilang nawong siya gibiaybiay; ug siya wala nato mahala.
Mateo 8:20 Ug si Jesus miingon kaniya: Ang mga milo adunay mga lungib, ug ang mga langgam sa langit adunay mga salag; apan ang Anak sa Tawo walay kaurarayan sa iyang ulo.
12. Giunsa Siya pagtagad sa mga tawo?
Isaias 53:3, 5,7 Gitamay siya, ug gisalikway sa mga tawo; usa katawo sa mga kasub-anan, ug nakasinati sa pag-antus: ug ingon sa usa nga gikan kaniya gitago sa mga tawo ang ilang nawong siya gibiaybiay; ug siya wala nato mahala. 5 Apan siya ginasamaran tungod sa atong kalapasan, siya napangos tungod sa atong mga kasal-anan; ang silot sa atong pakigdait diha sa ibabaw niya; ug tungod sa iyang mga labod kita nangaayo. 7 Siya gidaugdaug, apan sa diha nga siya gisakit, wala niya bukha ang iyang baba; ingon sa usa ka nating carnero nga ginadala ngadto sa ihawan, ug ingon sa usa ka carnero nga naamang sa atubangan sa iyang mga maggugunting, mao usab wala niya bukha ang iyang baba.
13. Ngano nga gikinahanglan nga Siya mahimong usa ka bata og moagi sa tanan nga ang-ang sa pagtubo sa kinabuhi sama sa tawo?
Hebreohanon 2:10, 17 Kay angay kaniya, alang kang kinsa ang tanang mga butang, ug pinaagi kang kinsa ang tanang mga butang, sa pagdala ug daghang mga anak ngadto sa himaya, aron sa paghimong hingpit sa magbubuhat sa ilang kaluwasan pinaagi sa mga pag-antus. 17 Tungod niana, kinahanglan siya mahimong sama sa iyang mga igsoon sa tanang mga butang, aron mahimo siyang maloloy-on ug matinumanon nga labawng sacerdote sa mga butang nga mahitungod sa Dios, sa paghimo ug halad sa pagpasig-uli alang sa mga sala sa katawohan.
14. Nganong angayan man siya nga mahimo nato nga atong pangulong saserdote?
Hebreohanon 4:15 Kay kita walay labawng sacerdote nga dili arang matandog sa pagbati sa atong mga kaluyahon; kondili usa nga gitintal sa tanang mga paagi sama kanato, apan walay sala.
15. Sa tanang kalisud nga Iyang naagian, unsa man ang Iyang mahimo?
Hebreohanon 2:18 Kay niana, siya sa iyang kaugalingon nag-antus sanglit gitintal, takus siya sa pagtabang niadtong mga gitintal.
16. Unsa ang kasiguruhan nga anaa kita mahitungod Kaniya?
Hebreohanon 7:25 Busa usab siya arang makaluwas sa hingpit gayud kanila nga nanagduol ngadto sa Dios pinaagi kaniya, sanglit siya buhi sa gihapon aron sa pagpangamuyo alang kanila.
17. Sa tanan natong nakita diha Kaniya, Unsa ang atong buhaton?
Hebreohanon 4:16 Busa, manuol kita nga may pagpangahas ngadto sa trono sa gracia, aron kita makadawat sa kalooy, ug makakaplag sa gracia nga makatabang kanato sa takna sa pagkinahanglan.
HINUMDUMI KINI
Bisan ikaw usa man ka bata o hamtong nga tawo ba kaha, sa tanang panahon sa kalisdanan ug mga pagsulay, kita may katungod sa paghuna-huna, nga si Jesus, mao ang atong manluluwas, nga Siya anaa alang kanato; ug sa atong mga dalan; ang Iyang mga tunob anaa. Ato lamang pagasundon ang Iyang tunob og ang tanan mahimong maayo; ug kay Siya nakasinati man sa atong mga kalisdanan, Siya nakabalo nga maluoy kanato og magatabang kanato. Kini nga hunahuna magapahilayo sa tanang kangitngit og magahatag sa kusog og kadasig.
The Bible Students' Library 