“Ang imong pulong maoy lamparahan sa akong mga tiil, Ug kahayag sa akong alagianan.”
Ps 119:105
ANG PANGINAHANGLAN KANG KRISTO
1. Isubli ang unong saad mahitungod sa manluluwas.
Genesis 3:15 “Ug ibutang ko ang panagkaaway sa taliwala mo ug sa babaye, ug sa taliwala sa imong kaliwat ug sa iyang kaliwat; siya magasamad sa imong ulo, ug ikaw magasamad sa iyang tikod.”
2. Kang kinsa kini nga saad gihatag?
Genesis 22:18 “Ug diha sa imong kaliwat mapanalanginan ang tanan nga mga nasud sa yuta, kay gituman mo ang akong tingog.”
3. Unsa ang gipasabot sa kaliwat, og kang kinsa kini nagtudlo?
Galacia 3:16 “Karon kang Abraham gisulti ang mga saad ug sa iyang kaliwat. Wala siya mag-ingon: Ug sa mga kaliwatan, ingon nga daw daghan sila; kondili ingon nga usa: Ug sa imong kaliwat, nga mao si Cristo.”
4. Unsa ang pagpahibalo niini nga saad ngadto kang Abraham?
Galacia 3:18 “Kay kong ang kabilin tungod pa sa Kasugoan, dili na tungod sa saad; apan kana gihatag sa Dios kang Abraham pinaagi sa saad.”
5. Unsa ang maayong balita?
Tubag: Ang maayong balita sa kaluwasan pinaagi sa gisaad nga kaliwat.
6. Unsa ang nakapahimo sa maayong balita nga gikinahanglan?
Tubag: Kay ang tawo nakasala o wala nagmatinumanon sa Dios.
Genesis 3:11-13 “Ug miingon siya: Kinsa ba ang nag-ingon kanimo nga hubo ikaw? Mikaon ka ba sa kahoy nga gisugo ko kanimo nga dili mo pagakan-on? 12 Ug ang tawo miingon: Ang babaye nga gihatag mo kanako nga akong igauban, siya naghatag kanako sa kahoy, ug mikaon ako. 13 Ug si Jehova nga Dios nag-ingon sa babaye: Unsa kining imong gibuhat? Ug nag-ingon ang babaye: Ang bitin naglimbong kanako, ug mikaon ako.”
7. Unsa ang gisulti sa Dios nga mahimong resulta sa pagsupak?
Genesis 2:17 “Apan sa kahoy nga sa pag-ila sa maayo ug sa dautan, dili ka magkaon niini; kay sa adlaw nga mokaon ka niini, mamatay ka gayud.”
8. Unsaon dayon sa nakasala nga tawo sa pagkabaton sa kinabuhi human siya nakasala?
Tubag: Tungod kay ang pagsupak nagbunga man og kamatayon, klaro lang nga pinaagi sa pagsunod sa Dios kita makabaton og kinabuhi.
9. Unsa ang resulta niini nga pagsupak sumala sa gisulti sa Dios?
Roma 5:12 “Busa, ingon nga pinaagi sa usa ka tawo, misulod ang sala sa kalibutan, ug pinaagi sa sala ang kamatayon; ug tungod niana, ang kamatayon mikaylap sa tanang mga tawo, kay niana ang tanan nakasala;”
Genesis 3:17, 19 “Ug miingon siya kang Adam: Tungod kay gipatalinghugan mo ang tingog sa imong asawa, ug nagkaon ka sa kahoy nga gisugo ko kanimo sa pag-ingon: Dili ka magkaon niini: tinunglo ang yuta tungod kanimo; pinaagi sa kahago magakaon ka gikan niini sa tanang mga adlaw sa imong kinabuhi;” og 19 “Sa singot sa imong nawong magakaon ikaw sa tinapay, hangtud nga mopauli ka sa yuta; tungod kay gikan niini gikuha ikaw; kay abog ka, ug sa abog ikaw mopauli.”
10. Tungod kay ang tawo nakasala, pinaagi kang kinsa lamang siya makabaton og kinabuhi?
Juan 3:36 Ang motoo sa Anak may kinabuhi nga walay katapusan, apan ang dili magatuman sa Anak dili makakaplag sa kinabuhi, kondili ang kaligutgut sa Dios pabilin sa ibabaw niya.
11. Sa unsang paagi ang usa ka tawo makapahimulos sa mga kaayohan ni Kristo?
Roma 3:25 “Nga gipadayag sa Dios, nga halad sa pagpasig-uli, pinaagi sa pagtoo sa iyang dugo, sa pagpahayag sa iyang pagkamatarung tungod kay gisayloan niya ang mga sala, nga nangabuhat kaniadto, tungod sa pagpailub sa Dios:”
Juan 1:12 Apan sa tanan nga nanagdawat kaniya, kanila naghatag siya sa katungod sa pagkahimong mga anak sa Dios, kanila nga nanagtoo sa iyang ngalan:
12. Human ang saad nahimo, giunsa pagpakita sa mga anak ni Adan nga nasabtan nila kini?
Genesis 4:3-5 Ug sa nagairog ang panahon, nahitabo nga si Cain nagdala gikan sa mga abut sa yuta usa ka halad kang Jehova. 4 Ug si Abel nagdala usab sa mga panganay sa iyang mga carnero ug sa mga matambok niini ug gitamod ni Jehova si Abel, ug ang iyang halad. 5 Apan kang Cain ug sa iyang hatad wala siyay pagtamod. Ug nangisog si Cain sa hilabihan gayud, ug nangil-ad ang iyang panagway.
13. Ihulagway ang halad ni Cain og ni Abel.
Genesis 4:3-4 Ug sa nagairog ang panahon, nahitabo nga siCain nagdala gikan sa mga abut sa yuta usa ka halad kang Jehova. 4 Ug si Abel nagdala usab sa mga panganay sa iyang mga carnero ug sa mga matambok niini uggitamod ni Jehova si Abel, ug ang iyang halad.
14. Ngano man nga ang halad ni Abel gidawat og ang halad ni Cain gisalikway?
Hebreohanon 11:4 Tungod sa pagtoo si Abel naghalad sa Dios ug usa ka halad nga labing maayo kay sa kang Cain, nga pinaagi niini, siya may pagpamatuod nga gidala kaniya nga siya matarung, ang Dios nagapamatuod mahitungod sa iyang mga gasa, ug pinaagi niini, siya bisan patay apan nagasulti.
15. Sa asa nga bahin sa pagbuhat napadayag ni Abel ang iyang matuod nga pagtuo?
Hebreohanon 9:22 Ug sumala sa Kasugoan, makaingon ako, daw ang tanang mga butang ginahinloan sa dugo, ug gawas sa pag-ula sa dugo walay pagpasaylo.
16. Tungod sa kakulang sa pagtuo, Unsa ang nahimo ni Cain?
Genesis 4:8 Ug namulong si Cain kang Abel nga iyang igsoon. Ug nahitabo, nga sa didto sila sa kapatagan, si Cain mitindog batok kang Abel nga iyang igsoon, ug iyang gipatay siya.
17. Unsa man ang gipasabot sa pagpatay sa biktima sa halad sa sakripisyo?
Tubag: Nga ang makasasala angayan unta sa kamatayon, apan ang gisaad nga UsaopromisedOne, gihulagway nga susama sa biktima nga gipatay sa panahon sa paghalad isip ilis o hulip niini.
18. Unsa ang kanunay nga managkauban sa tinuod nga pagtuo?
Jacobo 2:20 Apan buot ba ikaw masayud, O walay pulos nga tawo, nga ang pagtoo nga walay mga buhat patay?
19. Unsa unya ang makita nga mga binuhatan, sa mga salin nga katawhan sa Dios.
Bugna 12:17 Ug ang dragon napuno sa kaligutgut batok sa babaye, ug miadto sa pagpakiggubat batok sa uban sa iyang kaliwat, nga nagabantay sa mga sugo sa Dios, ug nagabaton sa pagpamatuod ni Jesus.
Bugna 14:12 Ania ang pagpailub sa mga balaan, sila nga nagabantay sa mga sugo sa Dios, ug sa kang Jesus nga pagtoo.
Pangutana: Human sa kamatayon ni Kristo gikinahanglan pa ba ang halad sakripisyo pinaagi sa paghalad og mananap?
Tubag: Dili na tungod kay siya na ang katapusan nga halad sa pagpasig-uli.
The Bible Students' Library 